Divisional Secretariat - Maruthankerny

#45ஆவது_தேசிய_இளைஞர்_விருது_விழா

#45ஆவது_தேசிய_இளைஞர்_விருது_விழா

45ஆவது தேசிய இளைஞர் விருதுவிழாவை முன்னிட்டு பிரதேச மட்ட தொடர்களுக்கான விண்ணப்பங்கள் கோரப்படுகின்றன...!

National Youth Services Council-NYSC
இலங்கையின் இளைஞர்களிடம் உள்ள கலை, இலக்கிய, படைப்பாற்றல் மற்றும் புதுமைத்திறன்களை தேசிய மட்டத்தில் அடையாளம் கண்டு கௌரவிப்பதே இந்நிகழ்ச்சித் திட்டத்தின் முக்கிய நோக்கமாகும்.

இந்த ஆண்டிற்கான போட்டிகளில், 15 முதல் 29 வயதுக்குட்பட்ட இலங்கை இளைஞர்கள் மற்றும் இளம்பெண்கள் விண்ணப்பிக்கலாம். நாடு முழுவதும் உள்ள திறமையான இளைஞர்கள் தங்களது திறமைகளை வெளிப்படுத்தி தேசிய மட்டத்தில் அங்கீகாரம் பெறுவதற்கான சிறப்பான வாய்ப்பாக இது அமைகிறது. இப்போட்டிகளில் சிங்களம், தமிழ் மற்றும் ஆங்கிலம் ஆகிய மூன்று மொழிகளிலும் பங்கேற்கலாம்.

இம்முறை போட்டித் தொடர்களில் பின்வரும் பிரிவுகள் இடம்பெறுகின்றன:

"Melody" – இசைப் போட்டி

"Steps" – நடனப் போட்டி

"Young Voices" – பேச்சு மற்றும் அறிவிப்பாளர் (Anchoring/Presentation) போட்டி

"NovaMind" – செயற்கை நுண்ணறிவு (AI) படைப்புப் போட்டி

"Inkspire" – இலக்கியப் போட்டி

"Shutter Stories" – புகைப்படப் போட்டி

"Dream Canvas" – ஓவியப் போட்டி

"Beyond Limits" – மாற்றுத்திறனாளி இளைஞர்களுக்கான சிறப்பு போட்டி

விண்ணப்பிக்கும் முறை

விண்ணப்பதாரர்கள் 2026.08.10 ஆம் திகதிக்குள் nysc.lk/youthawards இணையதளத்தில் நுழைந்து ஆன்லைன் விண்ணப்பப் படிவத்தை பூர்த்தி செய்ய வேண்டும்.

பதிவு நிறைவடைந்த பின்னர் கிடைக்கும் பதிவு உறுதிப்படுத்தல் படிவத்தை போட்டி நடைபெறும் இடத்திற்கு கொண்டு வர வேண்டும். படைப்புகளை சமர்ப்பிக்க வேண்டிய போட்டிப் பிரிவுகளுக்கான படைப்புகள், அந்தப் பதிவு படிவத்துடன் சேர்த்து 2026 செப்டம்பர் 10 ஆம் தேதிக்குள் தேசிய இளைஞர் சேவைகள் மன்றம், மகரகம தலைமை அலுவலகத்தின் கலைத்திறன் பிரிவிற்கு ஒப்படைக்கப்பட வேண்டும்.

போட்டி கால அட்டவணை

விண்ணப்பங்கள் ஏற்றுக்கொள்ளப்படும் காலம் – 2026.07. 20 முதல் 2026. 08. 30 வரை

பிரதேச மட்டப் போட்டிகள் – 2026 ஆகஸ்ட் 01 முதல் ஆகஸ்ட் 30 வரை

மாவட்ட மட்டப் போட்டிகள் – 2026 ஆகஸ்ட் 31 முதல் செப்டம்பர் 30 வரை

படைப்புகள் சமர்ப்பிக்கும் இறுதி நாள் – 2026 செப்டம்பர் 10

தேசிய மட்டப் போட்டிகள் – 2026 அக்டோபர் 01 முதல் நவம்பர் 30 வரை

தேசிய மட்டத்தில் வெற்றி பெறும் போட்டியாளர்களுக்கு 45ஆவது தேசிய இளைஞர் விருதுவிழாவில் தேசிய விருதுகள், சான்றிதழ்கள் மற்றும் பணப் பரிசுகள் வழங்கப்படவுள்ளன.

இந்த ஆண்டின் தேசிய இளைஞர் விருதுவிழாவில் பல முக்கிய புதிய அம்சங்கள் அறிமுகப்படுத்தப்பட்டுள்ளன. அதன் படி, முதன்முறையாக 25 மாவட்ட இளைஞர் விருதுவிழாக்கள் நடத்தப்படுகின்றன. மேலும், பிராந்திய, மாவட்ட மற்றும் தேசிய மட்டங்களில் வெற்றி பெறும் போட்டியாளர்களுக்காக திறமையாளர் குழு (Talent Pool) அடிப்படையிலான பயிற்சி நிகழ்ச்சிகளும் நடைமுறைப்படுத்தப்படவுள்ளன.

மேலும் தகவல்களுக்கும்

ஆன்லைன் விண்ணப்பங்களுக்கும்:

 nysc.lk/youthawards
மேலதிக தகவல்களுக்கு
0775015295

'கழிவு மேலாண்மை' பற்றிய விழிப்புணர்வு

Clean Sri Lanka' வேலைத்திட்டத்தின் உயரிய இலக்கை அடைவதற்காக முன்பள்ளி குழந்தைகளிடம் விதைக்கப்படும் 'கழிவு மேலாண்மை' பற்றிய விழிப்புணர்வானது
"நாளைய இலங்கையை மாசற்ற பசுமையான நாடாக மாற்றும்"
எனும் அடிப்படையில் 2026.08.05ந் திகதி
J/418 கிராம அலுவலர் பிரிவின் சென்அன்ரனீஸ் முன்பள்ளியில் திண்மக் கழிவு முகாமைத்துவம் பற்றிய நிகழ்ச்சித்திட்டமானது ECDO & DO (environment) ஆல் இணைந்து நடாத்தப்பட்டது.

வெவ்வேறு வண்ணங்கள் கொண்ட குப்பைத் தொட்டிகளை வழங்கி விளையாட்டினூடாக கழிவுகளை பிரித்து போட கற்றுக் கொடுக்கப்பட்டதுடன்
சிறார்கள் இலகுவில் விளங்கிக் கொள்ளும் வகையில் அட்டைப்படங்கள் வழங்கப்பட்டு அதனூடாக 3R தத்துவம் தொடர்பாக எடுத்துக் கூறப்பட்டது.
  

-World Breast feeding Week 2026-

-World Breast feeding Week 2026-
(Aug 1- Aug 7 வரை)

உலக தாய்ப்பாலூட்டல் வாரத்தின் இறுதி நாள் (07.08.2026) ECDO, PHM அவர்களால் J/433 (முள்ளியான்) கிராம அலுவலர் பிரிவில் 'தாய்ப்பாலின் நன்மைகள் மற்றும் தாய்ப்பாலூட்டுவதற்குக் குடும்பமும் சமூகமும் அளிக்க வேண்டிய ஆதரவை' வலியுறுத்தி கர்ப்பிணி மற்றும் பாலூட்டும் தாய்மாருக்கான விழிப்புணர்வு ஏற்படுத்தப்பட்டது.

எமது வேண்டுகோளை ஏற்று இவ்விழிப்புணர்வினை மேலும் சிறப்பிக்கும் வகையில் 40பேருக்கான இலைக்கஞ்சியினை தயாரித்து உபசரணை வழங்கிய கட்டைக்காடு WRDS க்கு எமது நன்றிகளை தெரிவித்துக் கொள்கின்றோம்.
  

போதைப்பொருள் பாவனைக்கு எதிரான விழிப்புணர்வு வீதி ஓட்டம்

போதைப் பழக்கத்தை ஒழிப்போம் இலக்குடைய சமூகமாய் மாறுவோம் எனும் கருப்பொருளில் இன்றைய தினம் 2026.08 .07 வடமாகண விளையாட்டு திணைக்களத்தின் நிதி மற்றும் வழிகாட்டலில் வடமராட்சி கிழக்கு பிரதேச செயலகத்தின் விளையாட்டு பிரிவு மற்றும் போதை தடுப்பு பிரிவு என்போரினால் ஒழுங்கமைக்கப்பட்ட போதைப் பாவனைக்கு எதிரான விழிப்புணர்வு வீதியோட்டம் இடம்பெற்றது. இதில் ஆண்களுக்கான போட்டியானது கட்டைக்காடு சந்தி முதல் பிரதேச செயலகம் வரையும் பெண்களுக்கான போட்டியானது ஆழியவளை சந்தி முதல் பிரதேச செயலக நுழைவாயில் வரையும் இடம்பெற்றது. இந்நிகழ்வானது கட்டைக்காடு அருட்தந்தை s.வசந்தன் மற்றும் பிரதேச செயலாளரினால் இன்று காலை 7 மணியளவில் ஆரம்பித்து வைக்கப்பட்டது. இந்நிகழ்வின் நிறைவில் போதைப்பொருள் பாவனை ஒழிப்பு தொடர்பான விழிப்புணர்வு உரை செம்பியன்பற்று அருட்தந்தை ஜஸ்ரின் ஆதர் என்பவரால் ஆற்றப்பட்டு வெற்றி பெற்ற வீரர்களுக்கான பரிசில் வழங்கும் நிகழ்வும் இடம்பெற்றது. இம்முழு நிகழ்வின் போதிலும் மருதங்கணி போலிஸ் நிலையத்தினர் முழு அளவிலான ஒத்துழைப்பை வழங்கியதோடு மருதங்கணி ஆதார வைத்தியசாலையின் ஆம்புலன்ஸ் சேவையும் தொடக்கம் முதல் இறுதி வரை இணைந்து செயற்பட்டது